Një 24-vjeçar, Erald Koliqi, është arrestuar nga Policia e Durrësit, pasi dyshohet për përfshirje në aktivitetin e paligjshëm të shpërndarjes së lëndëve narkotike në doza të vogla.
Arrestimi u krye gjatë operacionit të koduar “Neighborhood”, të organizuar nga Sektori për Hetimin e Narkotikëve në bashkëpunim me Forcën e Posaçme “Shqiponjat”.
Gjatë kontrollit të ushtruar ndaj Koliqit, policia gjeti dhe sekuestroi një sasi të konsiderueshme kanabis sativa, të ndarë në doza të gatshme për shitje, si dhe dy telefona celularë.
Autoritetet konfirmuan se operacioni u zhvillua në bazë të informacioneve të siguruara në rrugë operative lidhur me shpërndarjen e lëndëve narkotike në lagjet e qytetit të Durrësit.
I arrestuari ndodhet në paraburgim dhe materialet procedurale i janë dërguar Prokurorisë për veprime të mëtejshme hetimore.
