Kreu i SPAK-ut, Altin Dumani, ka zbuluar mbrëmjen e sotme sektorët kryesorë ku investohen paratë e krimit të organizuar.
Në një intervistë televizive, Dumani deklaroi se shumica e këtyre fondeve të paligjshme pastrohen përmes investimeve në pasuri të paluajtshme, sektorin e ndërtimit dhe hoteleri.
“Ne kemi bërë një analizë për grupet kriminale të organizuara për fuqinë e tyre financiare. Fusha më e preferuar është investimi në pasuritë e paluajtshme, ndërtim, hoteleri, etj. Kemi sekuestruar 6 milionë euro kesh gjatë këtij viti”, theksoi ai.
