Kreu i SPAK, Altin Dumani me deklaratën e tij në Kuvend ka rrëzuar teatrin e bërë nga mazoranca dhe opozita kur u miratua amnistia penale. Teksa asokohe dy përfaqësuesit kryesorë Ulsi Manja (PS) dhe Gazment Bardhi (PD) deklaronin se amnistia nuk bëhet për të liruar nga burgu zyrtarët e dënuar nga GJKKO, sot kreu i SPAK ka deklaruar se nga ligji i Amnistisë Penale kanë përfituar dhe subjekte të dënuar nga Gjykata e Posaçme. Gazeta Reforma ka denoncuar që në kohën e propozimit të projektligjjit se amnistia ishte një pazar mes opozitës dhe mazhorancës për përfitime të ndërsjellta, të fshehura nën petkun njerëzor të një amnistie penale.
“Nga ligji për amnistinë penale kanë përfituar edhe subjektet të SPAK”, deklaroi Dumani.
Kreu i SPAK gjatë raportimit të Kuvend u pyet nga deputetja Flutura Açka për amnistinë penal, ku u bë bashkë opozita teknike me mazhorancën. Dumani pohoi se disa subjekte të SPAK përfituar nga amnistia penale.
“Ne nuk kemi asnjë kompetencë që të vlerësojmë veprimtarinë e një institucioni tjetër, është në të drejtën e tij të miratojë amnistinë, nga ky ligj kanë përfituar subjekte të cilët janë dënuar nga Gjykatat e Posaçme, 40 persona përjashtim nga dënimi, 65 nga zbritja e dënimit, 12 nga ndjekja penale, (pra janë pushuar hetimet) – pra kuvendi ka kompetencën për të miratuar apo jo një amnisti. SPAK është institucion kushtetues i pavarur, garanton ligji pavarësinë e tij. Ishte vullnet politik në 2016 për reformën, është vullnet politik për të marrë masa të tjera që mund të afektojnë SPAK”, tha Dumani.
Si u miratua amnistia penale
Amnistia penale në fillim të ‘shfaqes teatrale’ u këndërshtua nga opozita me pretekstin se po bëhet për lirimin e zyrtarëve të korruptuar dhe se nuk iu shërben qytetarëve.
Me rastin e 8 Marsit, Festës së Gruas, Ministri i Drejtësisë Ulsi Manja, vizitoi Burgun e Grave në Ali Dem. Në një deklaratë të dhënë për mediat Manja u ndal te projektligji për Amnistinë Penale, i cili kishte nevojë për votat e opozitës për t’u miratuar. Manja është shprehur se mazhoranca është e gatshme të tërhiqet nga amnistimi i të dënuarve nga Gjykata e Posaçme, nëse ky amandament e pengon kalimin e ligjit
“E kam thënë që ditën e parë, nëse problemi është ai amendament, ne kemi deklaruar jemi të gatshëm të tërhiqemi, sepse nuk ka qenë në versionin zyrtar. Por nëse do të pyesni një zonjë brenda burgut, e cila është dënuar nga GJKKO, mendojeni dhe pozitën e asaj që priste. Dakordësia dhe kompromisi, është të hiqet dorë. Ne jemi të gatshëm të tërhiqemi”, tha Manja asokohe.
Por, amendament nuk u rrëzua kurrë, pasi koha tregoi se ndonëse opozita ‘kundërshtoi’ ishte thjeshtë një fasadë, pasi të dënuarit nga GJKKO përfituan.
Në seancën e 2 majit në Kuvend, plasi debati mes deputetit Agron Shehaj dhe ministrit të Drejtësisë, Ulsi Manja, i cili u përshkallëzua në lidhje me çështjen e Amnistisë Penale. Shehaj akuzoi Manjan se ka gënjyer në lidhje me përfituesit e amnistisë, duke thënë se asnjë i dënuar për korrupsion nga Gjykata e Posaçme nuk do të përfitonte nga amnistia.
“Ministri i Drejtësisë deklaroi që nuk do të ketë as amnisti, as ulje të dënimit për të dënuarit për korrupsion,” citon Shehaj fjalët e Manjës në parlament. “Ministri gënjeu me paturpësinë më të madhe,” shtoi ai.
Shehaj vazhdoi duke thënë se, në fakt, amnistia ka çliruar rreth 40 zyrtarë nga burgu dhe ka ulur dënimet për 60 të tjerë. Ai i bëri thirrje ministrit të japë dorëheqjen dhe e akuzoi se qeveria po dërgon mesazhe të qarta kundër përpjekjeve të SPAK-ut për të luftuar korrupsionin: “Ju i kapni, ne i lirojmë,” u shpreh Shehaj.
Amnistia Penale u miratua me 110 vota pro, 1 abstenim dhe 1 kundër.
Një nga rastet e lirimit nga amnistia ishte ai ish-kryebashkiakut të Lezhës, Fran Frrokaj, I dënuar nga GJKKO me 2 vite heqje lirie.
