Kreu i Partisë Agrare Ambientaliste, Agron Duka ka kërkuar sërish dorëheqjen e kreut demokrat, Lulzim Basha. Duka ka thënë se opozita duhet të shikojë gabimet ose e ardhmja do të jetë e errët. Aleati i Bashës këto zgjedhje, Duka tha se PD duhet të ribëjë zgjedhje të lira e jo siç u bënë më parë. Duka u shpreh se PD duhet të zgjedhë lidershipin e ri, dhe ai mund të jetë sërish Basha nëse e rifiton besimin.
“Opozita duhet të shikojë gabimet, ose ardhmja është e errët, mos të humbasë kohë kot deri në shtator. Basha duhet patjetër të ribëjë zgjedhjet të lira në PD, jo siç u bënë më para, zgjedhje reale, të bashkohen demokratët, që nga i vjetri deri më i riu. Të zgjedhin lidershipin e ri të PD që mund të jetë dhe Basha prapë, nëse e rifiton besimin , se kështu me artifica thjesht i shton jetën mazhorancës,” tha Duka.
Kujtojmë që në këto zgjedhje PD nuk arrit të siguronte fitoren duke marrë vetëm 59 mandate deputetësh. Pas humbjes shumë zëra Brenda PD dolën kundër kreut Basha duke kërkuar dorëheqjen e tij. Ndër to ka qenë Bujar Nishani, Arben Imami, Fatbardh Kadilli etj. Nga ana tjetër, krah Bashës kanë dalë kandidatët për deputetë dhe degë të PD-së në rrethe.
