“Duhet ta puthësh shtëpinë se të ka mbrojtur”, Rama inspekton pallatet e dëmtuar në Durrës së bashku me inxhinierin izraelit

Google+ Pinterest LinkedIn Tumblr +

Kryeministri Edi Rama vizitoi ditën e sotme Durrësin, ku inspektoi së bashku me inxhinierët izraelitë banesat e dëmtuara.

Shefi i qeverisë ka folur edhe me banorët e prekur nga tërmeti, të cilët janë ende të traumatizuar.

Rama ka siguruar banorët se banesa është e qëndrueshme dhe nuk ka kolona të dëmtuara.

“Janë prishur muret por struktura shumë e qëndrueshme dhe do riparojmë dëmet në mure, muret janë si lëkura, dëmtohet por nuk krijon rrezik, në këmbë na mban skeleti jo lëkura. Ky kompleks është i rikuperueshëm, nuk ka kolona të dëmtuara, thjesht muraturë”- tha Rama

Rama më tej i tha një banoreje, se inxhinieri izraelit i kishte konfirmuar se shtëpia i ka mbrojtur,  gjatë tërmetit, pasi ka qëndruar në këmbë. Gjithashtu pas konsultimit me specialistët, kreu i qeverisë u shpreh se do të hidhen në tokë vetëm muret.

“Këta janë nga Izraeli dhe janë njësha, inxhinieri thotë që pas katastrofës duhet ta puthësh shtëpinë tende se ka qëndruar dhe ju ka mbrojtur. Kjo është kamera termike që tregon që kolonat janë të gjitha në rregull do hedhim përtokë vetëm muret”- vijoi Rama.

Ndërkohë inxhinieri i tha gruas se i ka mbrojtur shtëpia dhe zoti.

“Shtëpia ju ka mbrojtur struktura është solide, shikojmë të carat po nuk ka probleme, ka pasur shumë tundje, tani do bëjmë muret më të forta që të jenë më të qëndrueshme, tani jemi ne me ju, shtëpia ju mbrojti dhe zoti gjithashtu”, u shpreh inxhinieri.

Shpërndaje
Share.

Komento