Aleanca për Mbrojtjen e Teatrit Kombëtar ka njoftuar se ditën e sotme do të zhvillohet protestë për Teatrin Kombëtar në qytetin e Shkodrës.
Kjo protestë do të mbahet përballë Teatrit Migjeni.
“Të shtunën Shkodra na mirëpret. Protestë. Në ora 17:00. Teatri Migjeni do të jetë “agoraja” jonë.
Demokracia nuk është dhuratë, demokracia është kusht. Vendos. Duam drejtësi”, është ky njoftimi i bërë nga Aleanca për Mbrojtjen e Teatrit Kombëtar.
Ditën e djeshme protesta për Teatrin u mbajt në Durrës, ku të gjithë artistët e qytetarët janë bashkuar Aleancës për Mbrojtjen e Teatrit me pankarta në duar “Poshtë diktaturës”!
