Në kuadër të një maksi operacioni të përbashkët të policisë italiane, të drejtuar nga Drejtoria Antimafia e Qarkut Lecce, janë nën hetim gjithsej 97 persona, të dyshuar për përfshirje në trafik droge dhe pastrim parash.
Ky operacion i gjerë çoi në shkatërrimin e një grupi aktiv kriminal.
Gjatë aksionit, 35 persona janë arrestuar, ndërsa dy të tjerë janë vendosur në arrest shtëpie, përfshirë një kontabilist që ndihmoi organizatën të gjejë mënyra për të pastruar paratë e paligjshme.
Operacioni u zhvillua në disa qytete, përfshirë Lecce, Scorrano, Copertino, si dhe në Brescia, Taranto, Brindisi dhe Kalabri.
Ky aksion pason një hetim të nisur në shkurt të vitit 2020 nga policia e Lecces, që çoi në arrestimin e 72 personave të lidhur me organizatën mafioze “Sacra Corona Unita”.
Krimet për të cilat ata akuzohen përfshijnë trafik droge, organizatë mafioze, zhvatje, shkelje të ligjit për armët dhe pjesëmarrje në lojëra fati.
Një nga personat që ka qenë pjesë e operacionit është edhe shqiptari Ervis Gjuzi, 38 vjeç, banues në Grottaglie, për të cilin është lëshuar urdhër arresti.
Ndërsa nën hetim, sipas mediave italiane, janë shqiptarët:
1. Arian Cerna, 48 vjeç nga Durrësi
2. Leonard Hameti, 43 vjeç nga Vlora
3. Alban Mustafallari, 39 vjeç nga Vlora
4. Shpëtim Osma, 55 vjeç banues në Bari
5. Dorjan Pashai, 39 vjeç nga Durrësi
6. Bledar Rista, 46 vjeç
