Për herë të parë gjatë procesit gjyqësor që po zhvillohet në Gjykatën Kundër Korrupsionit dhe Krimit të Organizuar, Dritan (Gramos) Rexhepi, i njohur si “mbreti” i kokainës, ka dhënë deklaratën e tij lidhur me rrëmbimin dhe zhdukjen e Jan Prengës.
Ai ka mohuar çdo lidhje me Gentian Funiqin, një nga të akuzuarit në këtë çështje.
“Kam qenë në siguri të lartë në burgun e Pratos për shkak të apelit në Firence dhe kam qëndruar aty për 10 ditë. Nuk e njoh dhe nuk e kam parë kurrë Gentian Funiqin. Do ta vërtetoj këtë me prova,” ka deklaruar Rexhepi.
Gjatë seancës së së enjtes, avokatët mbrojtës të të pandehurve kundërshtuan provat shkresore të paraqitura nga SPAK, duke kërkuar që ato të mos pranohen si të ligjshme në proces.
