Sot do të dalë para Komisionit të Pavarur të Kualifikimit në seancë dëgjimore drejtuesja e Prokurorisë së Krimeve të Rënda, Donika Prela.
Prela do të vlerësohet nga trupa gjykuese e drejtuar nga Roland Ilia, Olsi Komici dhe Valbona Sanxhaktari.
Analiza ndaj saj do të bëhet për pasurinë, figurën dhe aftësinë profesionale.
Donika Prela pas përfundimit të studimeve për drejtësi në vitet 1995-1999 si dhe Shkollës së Magjistraturës në 1999-2002 ka punuar si prokurore në Durrës për 15 vite, ndërsa në maj të vitit të kaluar u komandua në krye të Prokurorisë së Krimeve të Rënda.
