Gazetarja Klodiana Lala ka ngritur dyshime të forta lidhur me drejtuesit e policisë në qarqe, duke shprehur shqetësimin se struktura e policisë është në “pikë të hallit”.
Ajo theksoi se policia drejtohet nga individë ne lidhje me krimin dhe se ka një demotivim dhe frikësim të punonjësve.
Lala shtoi se shumë ngjarje mund të fshihen nga organet e rendit, duke cituar rastin kur vëllai i Rrahman Rrajës ishte në kërkim policor për dhunë në familje, por që nuk mori vëmendje për shkak të mungesës së videos dhe transparencës nga policia. Ajo paralajmëroi se nëse nuk pastrohet policia, do të ketë problematika të tjera në të ardhmen.
