Pas lajmit që qarkullon në mediat serbe për vendimin e pushtimit të veriut të Kosovës, i cili sipas burimeve do e shpallë Presidenti i Serbisë Aleksandër Vuçiç ditën e nesërme në një konferencë për shtyp të quajtur emergjente, ka reaguar Drejtori i Institutit për Siguri në Kosovë, Bedri Hoxha.
Hoxha tha se rreziku që Vuçiç po përmend sot u nuhat nga shefi i CIA-s, që takoi zyrtarë të lartë në Beograd dhe në Prishtinë. Më tej, Hoxha u shpreh se ndërkombëtarët duhet që të marrin vendimet e duhura.
Drejtori i Institutit për Siguri, Bedri Hoxha: “Duket se këtë rrezik e ka nuhatur edhe shefi i CIA-s. Ndërkombëtarët të marrin vendimet e duhura. Deklaratat janë kërcënime serioze për sigurinë dhe sovranitetin e Kosovës.
Kemi parë nga KFOR forca të shtuara, në zona ku shihet se mund të ketë rrezik për sigurinë. Në kufi me Kosovën, në Serbi dyshohet se grupe të rriturish po bëjnë stërvitje dhe presin urdhër që të nisen drejt territorit të Kosovës”.
Drejtori i Institutit për Siguri në Kosovë Bedri Hoxha reagon për deklaratën e Vuçiç
