Drejtori i CIA-s William J. Burns mësohet se ka zhvilluar një takim sekret në Kabul të hënën me udhëheqësin e talebanëve Abdul Ghani Baradar. Lajmin e bënë të ditur The Washington Post, ndërsa kujtojmë se ky është takimi i parë ballë për ballë i nivelit më të lartë mes talebanëve dhe administratës së Bidenit, që kur militantët morën kryeqytetin e vendit Kabulin.
Vendimi i Biden për të dërguar drejtorin e CIA-s, vjen në një kohë kur vazhdojnë përpjekjet intensive për të evakuuar njerëzit nga aeroporti ndërkombëtar i Kabulit në atë që vetë kreu i Shtëpisë së Bardhë e ka quajtur “një nga aksionet më të mëdha dhe më të vështirat transporti ajror”.
Gjithashtu Biden po përpiqet të zgjasi sa më shumë misionin e evakuuimit në Afganistan, ndërsa talebanët kanë paralajmëruar ditën e djsheme se nuk kanë në planë ta lejojnë këtë gjë pas datës 31 gusht, ku sipas tyre është vendosur edhe “vija e kuqe”.
CIA nuk pranoi të komentojë mbi takimin me talebanët, por diskutimet ka të ngjarë të kenë të bëjnë me afatin e afërt të 31 gushtit për ushtrinë amerikane për të përfunduar transportin ajror të qytetarëve amerikanë dhe aleatëve afganë.
Administrata e Biden është nën presion nga disa aleatë për të mbajtur forcat amerikane në vend përtej fundit të muajit në mënyrë që të ndihmojë evakuimin e dhjetëra mijëra qytetarëve të Shteteve të Bashkuara dhe vendeve perëndimore, si dhe aleatëve afganë të dëshpëruar për të ikur nga talebanët.
