Drejtori i ARRSH, Gentian Gjyli, u pyet për më shumë se 60 minuta nga prokurorët e SPAK, lidhur me hetimet për abuzimet me tenderat e rrugëve.
Pas daljes nga ambientet e Prokurorisë së Posaçme, Gjyli refuzoi të flasë për mediat, duke shmangur një pyetje nëse hetimi kishte lidhje me ndërtimin e tunelit të Llogarasë.
Gjyli ka zëvendësuar Evis Berberin në postin e drejtorit të ARRSH, i cili u arrestua nga SPAK për akuzat e korrupsionit dhe pastrimit të parave.
Berberi është i përfshirë në 6 tendera të dyshuar për abuzime, që kapin një vlerë prej rreth 2.2 milionë euro, dhe ka qenë drejtor i ARRSH në disa prej tyre.
Bashkë me Berberin, janë arrestuar edhe Valter Begaj dhe Ervis Lami, administrues të kompanisë DAAM, të dyshuar për përfitim të tenderave në mënyrë abuzive.
