Ajola Xoxa, bashkëshortja e kryebashkiakut të Tiranës, Erion Veliaj, është paraqitur sot në Prokurorinë e Posaçme, ku po zbatohet masa e sigurisë “detyrim paraqitje” e vendosur nga Struktura e Posaçme Antikorrupsion.
Gjatë paraqitjes së saj më 5 maj, ajo është njoftuar për një akuzë të re që lidhet me fshehjen e të ardhurave.
Aktualisht, Ajola Xoxa është nën hetim për disa vepra penale, përfshirë korrupsion pasiv të funksionarëve të lartë apo të zgjedhurve vendorë, pastrim parash, si dhe deklarim të rremë apo mosdeklarim të pasurisë dhe interesave private.
Hetimet bëjnë pjesë në një dosje të gjerë që trajton dyshimet për veprimtari kriminale dhe shkelje të ligjit mbi transparencën e pasurive të zyrtarëve publikë.
