Procesi gjyqësor për dosjen “Metamorfoza” u mbajt sot, por u shty për në datën 30 janar për shkak të mungesës së avokatëve.
Të pandehurit Pëllumb Gjoka, Asmer Bilali dhe Xhevahir Lita ishin të pamundur të merrnin pjesë në seancë, ndërkohë që ishin të pranishëm Behar Bajri, Edmond Preka, Ardit Hasanbegaj dhe Oltion Bistri.
Mungesa e avokatëve të Edmond Prekës dhe Ardit Hasanbegajt u justifikua përkatësisht nga një fatkeqësi familjare dhe arsye shëndetësore.
Gjatë seancës, Behar Bajri kërkoi zhvillimin e procesit me dyer të mbyllura për shkak të paragjykimeve që sipas tij po i bëheshin. Megjithatë, SPAK kundërshtoi kërkesën, duke theksuar se nuk ekzistojnë kushte ligjore për një seancë të tillë. Gjykata e Posaçme pranoi kundërshtimin dhe rrëzoi kërkesën e Bajrit.
