Koordinatori Politik i Tiranës për Rithemelimin, Belind Këlliçi bën të ditur sot se SPAK ka bërë disa arrestime në bashkinë e Tiranës.
Me anë të një statusi në Facebook, Këlliçi shkruan se janë bërë arrestime për dosjen ‘5D’ të denoncuar nga ai, gjatë fushatës elektorale të vitit 2023 për Tiranën.
‘Arrestime masive aktualisht në tempullin e korrupsionit që quhet Bashkia Tiranë për dosjen 5D. Sado të arrestohen drejtorët e Bashkisë, kjo punë nuk mbyllet me ata. Erion Veliaj do përgjigjet para drejtësisë për të gjitha dëmet dhe vjedhjet që i ka shkaktuar kryeqytetit tonë’, shkruan Belind Këlliçi në Facebook.
Po kush janë të arrestuarit që përmendi Belind Këlliçi?
Sipas tij të arrestuar janë të paktën Mariglen Qato dhe Redi Molla, ndërsa pritet që SPAK të zbardhë detaje të reja.
Duket se SPAK ka goditur ditën e sotme në bashkinë e Tiranës për të sfumuar denoncimin e fortë të Gazment Bardhi kundër Edi Ramës, për vëllin e tij Olsi Rama, i cili akuzohet për shoqërim të trafikantëve të kokainës së Xibrakës.
