Kryeministri Edi Rama ka vizituar sot familjen e 33 vjeçariy Arjan Sala. Ndërsa është përshëndetur me familjarët dhe të afërmit e viktimës, Rama u ka dorëzuar edhe titullin që e shpalli të riun “Dëshmor të Atdheut”.
Gjatë fjalët së tij, kryeministri e vlerësoi aktin heroik të Salës si një sakrificë të madhe që nuk rrallë herë.
“Ai ka bërë një sakrificë të madhe. Një sakrificë të rrallë, që nuk ndodh. Ne menduam se ishte detyra jonë që ta dekoronim dhe ta shpallnim “Dëshmor të Atdheut”. Do ta ndihmojmë mesa kemi mundësi familjen e tij të vogël dhe jo vetëm atë.”, u shpreh kryeministri.
Kujtojmë se 32-vjeçari, humbi jetën në një magazinë ku ra zjarri, si pasoj e një shkëndije elektrike. Arjan Sala punonte si shef sigurie në qendrën tregtare, ku shpëtoi 25 persona dhe u bllokua mes flakëve, ku humbi dhe jetën.
Kryeministri Rama kërkoi pak ditë më parë që Sala të shpallej dëshmor i Atdheut, pasi trupi i tij u gjet në magazinën e qendrës tregtare “Casa Italia”, në tentativë për të shpëtuar të tjerët, mirëpo fatkeqësisht mbeti i bllokuar dhe më pas, ndërroi jetë.
Arjan Sala, 32-vjeç, ishte babai i një vajze të mitur dhe prej vitesh ishte punonjës sigurimi te “Casa Italia”. Trupi i tij u gjet 3 ditë pas zjarrit që ra tek ambienti ku ai punonte. Ekspertiza paraprake zbuloi se i riu ka qëndruar rreth 24 orë gjallë, por më pas nuk ia ka dalë dot të mbijetojë.
