Dorëheqja e papritur e Haradinaj, DASH: Mirëpresim bashkëpunimin me Prokurorinë

Google+ Pinterest LinkedIn Tumblr +

Ditën e djeshme, Ramush Haradinaj dha dorëheqjen nga posti i tij si kryeministër i Kosovës.

Ai u shpreh për mediat se dorëheqja e tij ëshë e parevokueshme. Arsyet e dorëheqjes së tij janë se Gjykata Speciale e Hagës e ka thirrur Haradinajn për ta pyetur si i dyshuar.

Haradinaj u shpreh se do të shkojë në Hagë si qytetar dhe jo si kryeministër i Kosovës. Reagimet e politikanëve shqiptarë e kosovarë kanë qenë të shumta lidhur me vendimin e tij.

Edhe Departamenti Amerikan i Shtetit dha një deklaratë për “Zërin e Amerikës”, sapo mësoi për dorëheqjen e Haradinajt.

“Shtetet e Bashkuara përgëzojnë respektimin nga ana e tij të thirrjes për t’u paraqitur para Zyrës së Prokurorit të Posaçëm të Dhomave të Posaçme për Kosovën”, thuhet në deklaratë.

Kujtojmë këu se dorëheqja e Haradinaj ndodhi pas shumë presioneve dhe trysnisë së vazhdueshme ndaj tij për të hequr tarifat ndaj mallrave serbe. Kjo është edhe një nga arsyet se përse Beogradi nuk ka vazhduar bisedimet me Kosovën.

Haradinaj u shpreh se pas dorëheqjes së tij, Kosova duhet të shkojë në zgjedhje.

Shpërndaje
Share.

Komento