Dyzet e tre migrantë janë mbytur pasi anija e tyre u fundos afër Tunizisë. Lajmin e ka bërë me dije Gjysmëhëna e Kuqe Tuniziane, ndërsa mësohet se migrantët ishin nisur nga porti libian i Zuëara dhe po përpiqeshin të kalonin Mesdheun për të arritur në Evropë.
Edhe 84 të tjerë u shpëtuan nga marina tuniziane, tha kreu i organizatës së Gjysmëhënës së Kuqe të Tunizisë Mongi Slim.
Moti i verës ka parë një rritje të migrantëve që përpiqen të arrijnë në Evropë nga Afrika e Veriut. Anija, e cila u nis të hënën në mbrëmje, mbante njerëz nga Egjipti, Sudani, Eritrea dhe Bangladeshi, tha Gjysmëhëna e Kuqe. Anija u përmbys pasi motori i saj u prish.
Të shpëtuarit, pranë portit të peshkimit tunizian të Zarzis, ishin të moshës midis tre dhe 40 vjeç, sipas ministrisë së mbrojtjes së Tunizisë.
Gjysmëhëna e Kuqe Tuniziane u dha atyre ushqim dhe pije ndërsa kërkonin hapësirë për t’i strehuar ata për periudhën e kërkuar të izolimit Covid, njoftuan mediat lokale.
Libia ka qenë një pikë e rëndësishme tranziti për migrantët nga shumë vende që përpiqen të arrijnë Evropën përmes Mesdheut. Por Tunizia është bërë gjithashtu një qendër kryesore dhe i ka bërë thirrje Bashkimit Evropian të merret me migracionin duke ndihmuar në luftën kundër varfërisë në Afrikë.
