Qeveria amerikane ka ngritur akuza ndaj Farhad Shakerit, një shtetasi afgan 51-vjeçar, për përfshirje në një komplot të dyshuar iranian që synonte vrasjen e Donald Trump, para se ai të merrte postin e presidentit të SHBA-së.
Sipas autoriteteve amerikane, Shakeri nuk është arrestuar dhe besohet të ndodhet aktualisht në Iran. Ai e ka mohuar çdo përfshirje në këtë komplot dhe e ka quajtur akuzën të pabazuar.
Në një kallëzim të paraqitur në gjykatën e Manhatanit, prokurorët njoftuan se një zyrtar i Gardës Revolucionare të Iranit kishte udhëzuar Shakerin që në muajin shtator të fillonte përgatitjet për vëzhgimin dhe eliminimin e Donald Trump.
“Departamenti i Drejtësisë ka akuzuar një person të regjimit iranian, i cili ishte ngarkuar nga regjimi për të drejtuar një rrjet bashkëpunëtorësh kriminalë për të çuar më tej komplotet e vrasjes së Iranit kundër objektivave të tij, duke përfshirë presidentin e sapozgjedhur Donald Trump”, tha në një deklaratë Prokurori i Përgjithshëm i SHBA Merrick Garland.
