Një aksident tragjik është regjistruar në Itali, ndërsa mësohet se viktimë ka mbetur një shqiptar. Pas një aksidenti fatal bëhet e ditur se ka ngelur i vdekur Ndriçim Gjuzi. Mediat italiane raportojnë se makina me të cilën udhëtonte Ndriçim Gjuzi së bashku me gruan dhe vajzën e tij 4-vjeçare, është përplasur nga një automjet tip “Opel Corsa”.
Në këtë moment 49-vjeçari me origjinë nga Shqipëria ka dalë për të parë dëmin që i është shkaktuar, por për fat të keq është përplasur për vdekje nga një makinë tjetër, e cila vinte nga pas. Ngjarja tragjike dhe e rëndë ka ndodhur në sy të gruas dhe vajzës 4-vjeçare të shqiptarit. Të plagosur nga aksidenti mbetën edhe personat që ishin brenda automjetit tip “Opel Corsa”. Menjëherë pas ngjarjes në vendin ku ndodhi aksidenti kanë shkuar zjarrfikësja, autoritete policore dhe ambulanca të cilët kanë dhënë ndihmën e parë për personat e mbetur të shokuar nga ngjarja tragjike.
Ndonëse shkuan për të shpëtuar jetën e viktimës ishte shumë vonë pasi shqiptari kishte ndërruar jetë në vend. Ndërkohë vlen të theksohet se ngjarje të tilla kaq tragjike janë regjistruar edhe herë të tjera në vende e rajonit ku viktimat me origjinë nga Shqipëria kanë qenë të shumtë.
