Gjykata e Posaçme kundër Korrupsionit dhe Krimit të Organizuar ka rrëzuar kërkesën e Anterio Kaloshi, i cili kundërshtoi vendimin e ministrit të Drejtësisë, Ulsi Manja për futjen e tij në “41 biss”. Nëpërmjet avokatit të tij, i dënuari me burgim përjetë kërkonte shfuqizimin e vendimit, me pretendimins e nuk ka shfaqur as rrezikshmëri, e po ashtu, nuk ka kryer shkelje brenda ambieteve të burgut.
Në seancën e sotme, GJKKO pasqyroi disa informacione të klasifikuara “sekret” lidhur me aktivitetin e Kaloshit brenda ambienteve të burgut, të cilat u kundërshtuan nga avokati i anëtarit të bandës së Lushnjes, grup i cili ka në krye Laert Haxhiun. Por pretendimin e mbrojtjes nuk u morën parasysh dhe Kaloshi do të qëndrojë për 1 vit në ambientet e “41 biss” brenda burgut të Peqinit.
Anterio Kaloshi u arrestua në 13 gusht 2020, pasi bashkë me disa persona të tjerë qëlluan me kallashnikov drejt një Hoteli në Pogradec. Ndërkohë Orges Bilbili u kap në 10 prill 2020 në zonën e Xhamllikut në Tiranë, pasi u plagos nga një efektiv policie të cilit tentoi ti largohej për të shmangur kontrollin. Dy të pandehurit u cilësuan fajtor për akuzat e “vrasjes me paramendim për hakmarrje”, “vrasje në rrethana cilësuese” dhe “grup të strukturuar kriminal”. Ndërkohë në një proces tjetër, për këtë vrasje po gjykohet Laert Haxhiu, i konsideruar si organizator i ngjarjes.
