Pak ditë më parë bëri bujë në media deklarata e Drejtorit të Policisë së Shtetit, Ardi Veliut i cili përmes një videokonference ofendoi nënën e djalit 15-vjeçar që policia dhunoi disa ditë më parë në zonën e Liqenit Artficial.
Veli tregoi një video të saj ku shfaqej me një pistoletë në dorë, teksa xhironte një film.
Ai e përdori këtë video për të justifikuar dhunën e policisë, duke treguar edukatën e familjes nga vjen adoleshenti.
Kjo gjë ishte e turpshme, e cila më pas u vërtetua se ishte një bllof i madh, pasi pamjet ishin xhirime nga skena e filmit shqiptar “Dashuria nuk mjafton”.
Lidhur me këtë ka reaguar edhe Elisa Spiropali. Në një intervistë për “Abcneës”, Spiropali është përpjekur të justifikojë Veliun, ashtu siç bëri edhe kryeministri Edi Rama, i cili nupk e shkarkoi nga detyra por pranoi faljen e tij publike.
Spiropali u shpreh ditën e sotme duke thënë se Veliu ka qenë i stresuar dhe për këtë gabim të tij ka marrë dënim moral.
Pjesë nga biseda:
Elisa Spiropali:
“Ishte deklaratë e gabuar, e nxituar, e panevojshme, arsyetoj unë dhe ata që janë pyetur, edhe kryeministri.
Drejtori i Përgjithshëm është në një stres të madh, nën një presion të jashtëzakonshëm”.
Juli Xhokaxhi:
“Zonja Spiropali, ky nuk mund të jetë një justifikim, që ka qenë i stresuar, sepse mund të dalë dhe roja i shkollës të thotë isha i stresuar”.
Elisa Spiropali:
“Më dëgjuat të justifikoj drejtorin”?
Juli Xhokaxhi:
“Sapo thatë ishte shumë i stresuar”.
Elisa Spiropali:
“Fola mbi kontekstin ku operaon drejtori i policisë, Ku plūmbat politikë e mediatikë që bien mbi drejtorin e policisë. Ishte një deklaratë e panevojshme dhe e gabuar.
Ka marrë ndëshkimin publik dhe moral dhe vërejtjet përkatëse.
Por veprimtaria e tij në krye të policisë është me e vlefshme se sa gabimi që ka bërë”.
