Gjatë 24 orëve të fundit në Shqipëri, 11 persona të tjerë fituan luftën me COVID-19, duke e çuar numrin në 356.
Ministria e Shëndetësisë konfirmoi ditën e sotme se në Berat, Lezhë, Mirditë, Rrogozhinë dhe Tropojë, të gjithë të prekurit janë shëruar.
Prej dy javësh numri i të shëruarve ka kaluar numrin e të infektuarve aktivë.
Më konkretisht janë 251 të infektuar aktivë, ndërsa të shëruar 356, me një bilanc më shumë se 100.
Aktulisht në spitalin Infektiv po marrin shërbim 33 persona, 4 prej tyre në terapi intensive.
Ndërsa në spitalin “Shefqet Ndroqi” janë shtruar 7 pacientë, 4 prej të cilëve në terapi intensive në gjendje të rëndë.
Numri i të prekurve ndërkohë ka shkuar në 634, pasi në 24 orët e fundit janë shënuar 25 raste të reja, ku më problematike është Kruja me 18.
