Një dokument i publikuar së fundi në rrjetet sociale ka tërhequr vëmendje të madhe mediatike. Bëhet fjalë për një emërim në një post të një ndërmarrjeje publike, që është konkretisht drejtoria e Ujësjellës Kanalizimeve në Durrës.
Është këngëtarja Zajmina Vasjari ajo që është emëruar specialiste në këtë drejtori, konkretisht në degën e Shijakut. Në dokumentin e publikuar shihet se emërimi I saj në këtë detyrë, mban datën 10 qershor.
Sipas asaj që thuhet në dokument, shihet se Vasjari i pëket katëgorisë së pagës, “Punonjëse e Kategorisë së parë” që do të thotë se është e punësuar me kohë të plotë ose të pjesshme, në bazë të kategorizimit nga Drejtoria e Përgjithshme e Tatimeve. Dokumenti mban firmën e drejtorit të Ujësjellësit Spartak Kovaçi.
Kujtojmë se Zajmina Vasjari, më shumë e njohur si këngëtare, është kurorëzuar edhe “Miss Shqipëria” në vitin 2002. Ndër të tjera ajo është diplomuar në degën e Arkitekturës. Pavarësisht “kualifikimeve” të saj, prej datës 10 qershor ajo ka marrë përsipër detyrën për të zgjidhur problemet që mund të ketë komuniteti I Shijakut me ujin e pijshëm.
Prej kohësh, Zajmina Vasjari nuk është më në botën e muzikës, ndërsa është e martuar me biznesmenin Klodian Asllani me të cilin ka edhe një vajzë.
