Pesë të rinj shqiptarë të moshës 25-30 vjeç, kanë rënë në pranga në aeroportin e Ciampinos në Romë.
Ndaj tyre rëndon akuza e kalimit të kufirit në mënyrë të paligjshme.
Sipas mediave italiane, ata kishin përdorur metodën e “swapping”, për të kaluar drejt një vendi jo në zonën Schengen, me dokumenta të falsifikuara.
Kjo metodë nënkupton blerjen e dy biletave, një për zonën jashtë dhe një për atë brenda Schengenit.
Në momentin që ata kalonin kufirin ajror me dokumentat origjinale, ata braktisnin udhëtimin, për t’u drejtuar drejt një vendi jashtë zonës Schengen, me dokumenta të falsifikuara.
Shqiptarët u dënuan me 1 vit e gjysmë burg, por për shkak se nuk kanë precedentë penalë të mëparshëm, i është pezulluar dënimi.
