Ka nisur me tensione të forta mbledhja e këshillit Bashkiak të Himarës, ku pritet të caktohet kryebashkiaku i ri në këtë qytet.
Në këtë seancë ishte parashikuar votimi se cili prej dy nënkryetarëve, Blerina Bala apo Pervin Gjikuria do të drejtojë bashkinë Himarë deri në zgjedhjet e reja.
Mirëpo të pranishëm në këtë mbledhje kanë qenë dhe mbështetës të shumtë të Fredi Belerit, të cilët janë përplasur me policinë, duke bërë që mbledhja të shtyhet për një moment të dytë.
Qytetarët kundërshtojnë që detyra e kryebashkiakut t’i kalohet një prej nënkryetarëve nga radhët e Partisë Socialiste.
Nën thirrjet “jashtë” dhe duke brohoritur Beleri, qytetarët kërkuan daljen nga salla të prefektit të Vlorës, Vangjel Tavo.
Socialistët kanë shumicën në këshillin bashkiak të Himarës, 13 vota kundrejt 8 të opozitës.
