Ndërkohë që Edi Rama po pret dialog virtual me studentët, ata të Akademisë së Sigurisë po bëhen gati për protesta.
Pavarësisht se punonjësit e Policisë së Shteti ndalohen me ligj që të marrin pjesë në protesta, sipas “newsbomb” oficerët e akademisë kanë nisur një organizim për t’iu bashkuar asaj të studentëve që vazhdon për të gjashtën ditë.
Por ndryshe nga kërkesat që kanë studentët për uljen e tarifave që paguajnë për studimet, oficerët do të protestojnë kundër përgjysmimit të pagave. Më herët, për këtë ata kanë hedhur në gjyq edhe drejtorin e Policisë, Ardi Veliun.
Ata paguheshin 500 mijë lekë të vjetra, ndërkohë që paga e tyre tanimë është 250 mijë lekë. Ata pretendojnë se është keqinterpretuar VKM-ja dhe nuk është zbatuar procedura.
