Ditën e sotme, deputetja e PDK-së, Ganimete Musliu, pas fjalimit të saj në Kuvendin e Kosovës ndër të tjera ka komentuar presidenten Vjosa Osmani.
Specifikisht ajo e ka vënë theksin tek pamja e saj, duke e bullizuar për peshën, pra duke bërë një krahasim të pamjes fizike të Osmanit para se të bëhej presidente dhe më pas. Deputetja ka thënë se Osmani do të mbahet “si një grua që hyri në Presidencë me 100 kilogramë dhe do të dalë nga aty me 50 kilogramë”.
Musliu ka shkraur në rrjetin social “Facebook” se Osmani mund të jetë gjithçka, por jo presidente.
“Të gjykosh të tjerët për pamjen nuk është mirë, por meqenëse ti vet e paske bërë pamjen tënde pjesë të fjalimit vjetor atëherë na thuaj: A nuk është zmbrapsje ikja dhe operimi i lukthit në Turqi? Dhe atë në kundërshtim me Kushtetutën e Republikës së Kosovës. Si presidente ti do të mbahesh në mend veç si inatiçore, kompleksgjike, përçarëse dhe urrejtëse deri në palcë! Meqë paske hyrë të kg. Po ta them troç: Do të mbahesh në mend si një GRUA që hyri në Presidencë me 100 kg e do të dalë nga aty me 50 kg. Ti mund të jesh çkado përveç presidente”, ka deputetja e PDK-së, Ganimete Musliu.
