Seanca gjyqësore për Mario Përlleshajn, të akuzuar për vrasjen e 14-vjeçarit Martin Cani, është shtyrë.
Në një deklaratë për mediat, nëna e viktimës, Florina Cani, nuk ka komentuar ngjarjen brenda sallës së gjyqit, por ka theksuar se do të vazhdojë të luftojë për të zbuluar të vërtetën e vrasjes së djalit të saj.
Ajo shtoi se humbja e Martin Canit ka qenë tragjike dhe e mirëplanifikuar.
Florina Cani kërkoi që seancat ndaj Mario Përlleshajt të zhvillohen me dyer të hapura, duke shprehur dëshirën që kjo ngjarje tragjike të bëhet një shembull, për të parandaluar raste të ngjashme në të ardhmen.
“Do të luftoj deri në fund, fëmija im humbi jetë në mënyrë tragjike në rrethana të menduara. Do të këmbëngul të dalë e drejta. Seanca të bëhet e hapur, s’kemi çfarë mbajmë sekret. Seanca të zhvillohet me dyer të hapura, fëmija im të bëhet shembull për të tjerët, që kjo tragjedi të mos ndodh në familjet e tjera”, tha ajo.
