Parku i Drilonit për 10 vitet e ardhshme do të jepet me qira, me qëllim për të nxitur punësimin turizmin dhe aktivitetet që gjenerojnë të ardhura.
Bazuar në buletinin e prokurimeve publike, “Albturist” ka hapur ankandin për dhënien me qira të “Drilon2”, shkruan “Monitor”.
Sipërfaqja e tij e përgjithshme është 2500 m², nga të cilat 605 m² nën objekt dhe pjesa tjetër sipërfaqje funksionale.
Konkurimi do të hapet në vlerën 172.600 lekë në muaj, për të gjithë të interesuarit.
Ndërkohë ankandi do të mbahet më 9 shtator në Ministrinë e Financave në orën 10:00.
Konkurentët do të vlerësohen si më poshtë:
Investimi – 40 pikë
Punësimi – 30 pikë
Tarifa mujore e qirasë – 30 pikë
Driloni është një nga qendrat më piktoreske dhe më të vizituara në juglindje të Shqipërisë.
Ai është i rrethuar nga një qetësi e jashtëzakonshme, ku një nga aktivitetet kryesore është xhiro me varkë.
