Ministrja e Jashtme e Rusisë, Maria Zakharova, ka reaguar ndaj deklaratave të Sekretarit të Jashtëm britanik, David Cameron, duke i cilësuar ato si provë të një “luftë hibride” që Perëndimi po zhvillon kundër Rusisë përmes Ukrainës. Zakharova ka theksuar se Rusia është e vendosur të përgjigjet ndaj çdo provokimi.
“Fjalët e Cameron janë prova e mëtejshme e luftës hibride që Perëndimi po bën kundër vendit tonë. Rusia po i përgjigjet kësaj dhe do të vazhdojë të përgjigjet,” u shpreh Zakharova. Ajo paralajmëroi se çdo sulm i Ukrainës kundër Krimesë, të mbështetur nga Perëndimi, do të tërheqë hakmarrje të rëndë nga Rusia.
“Dua të paralajmëroj Uashingtonin dhe Brukselin se çdo veprim agresiv kundër Krimesë jo vetëm që është i dënuar me dështim, por gjithashtu do të përballet me një goditje hakmarrëse shkatërruese,” shtoi ajo.
Zakharova gjithashtu theksoi se Rusia do të hakmerret nëse Danimarka ndërmerr veprime për të kufizuar lirinë e lundrimit të anijeve ruse në ngushticat e Balltikut, duke e cilësuar këtë si një akt armiqësor. Ajo ritheksoi gatishmërinë e Rusisë për të shqyrtuar propozime serioze për ndërprerjen e luftës, me kushtin që Ukraina të mbetet neutrale ushtarakisht në të ardhmen, një kërkesë që më parë është refuzuar nga Kievi.
Këto komente vijnë pas deklaratave të Cameron, i cili tha se Ukraina ka të drejtë të përdorë armët e ofruara nga Londra për të goditur objektivat brenda Rusisë dhe se vendimi për këtë i takon Kievit.
