Do të dëshmojë për luftën në Kosovë, thirret nga Prokuroria Speciale anëtari i Vetëvendosjes

Google+ Pinterest LinkedIn Tumblr +

Prokuroria Speciale ka thirrur për të dëshmuar kandidatin për deputet të Vetëvendosjes, Gani Krasniqin.

Ky i fundit është shprehur, se e ndien për detyrë, që të mbrojë luftën për liri të popullit të Kosovës.

Sipas tij, përgjigja pozitive për t’u paraqitur para Prokurorisë, është detyrim ndaj deputetëve të papërgjegjëshëm që votuan për gjykatën.

Më tej ai shton, se e ndien për nder faktin që ishte pjesë e UÇK-së.

‘’Për hir të informimit të opinionit publik, njoftoj se pardje, datë 17 tetor 2019, nga Zyra e Prokurorit të Specializuar, kam pranuar ftesë, që me datë 11 dhe 12 nëntor 2019, në ora 9.00 të paraqitem pran kësaj zyre, për të dhënë, prova, infomacione, dëshmi… siç thuhet në këtë ftesë. Provat, dëshmitë…, motivohen me luftën e Ushtrisë Çlirimtare të Kosovës, edhe pse përkufizimi i datave është: 1 janar 1998 – 31 dhjetor 2000! Për t’u përgjigjur pozitivisht, më obligon një pjesë e deputetëve të papërgjegjshëm të Kuvendit të Republikës së Kosovës, të cilët votuan këtë gjykatë. Natyrisht, ashtu siç e ndjej për nder, që isha pjesë UÇK‐së, së Lavdishme, ashtu do të dëshmoj për Luftën e drejtë të saj’’, shkruan Krasniqi në profilin e tij në Facebook.

Gani Krasniqi ka ndihmuar në ngritjen e njësive të UÇK-së në Malishevë.

Për disa kohë ai ka qenë kryetar i kësaj komune si dhe njëkohësisht anëtar i PDK-së.

Shpërndaje
Share.

Komento