Tre të rinjtë shqiptarë, janë arrestuar në Britaninë e Madhe pasi janë kapur nga policia duke punuar në një fermë kanabisi.
Halit Mazrreku, 24 vjeç, Elson Zani, 23 vjeç dhe Kristjan Kola, 22 vjeç, janë arrestuar edhe pse kishin shkuar mirë e bukur me kamion deri në Angli.
Të rinjtë shqiptarë i ishin futur rrugës për t’u marrë me lëndët narkotike pasi donin të shlyenin sa më shpejt borxhin e lekëve që ishin ardhur me kamion.
Ata janë shprehur se shuma e lartë e udhëtimit i kishte çuar në rrugën e gabuar, pasi me punën ku punonin në një lavazh nuk po ia dilnin dot.
Shqiptarët u kapën duke punuar në fermat me kanabis në rrugën “Lee” dhe rrugën “Mersey”, në lindje të Hull dhe “Devon Grove” në perëndim të “Hull”.
Halit Mazrreku ka deklaruar se nënën e tij e kanë kërcënuar që grupi që udhëhiqte fermën e madhe të kanabisit.
Vetë Mazrreku pa një adresë fikse, është dërguar në Britani me kamionin, që dyshohet të ketë lidhje me bandën e drogës.
