Lezeti në çdo ndeshje të Kombëtares janë pikërisht tifozët, të cilët pavarësisht se ku luan Shqipëria ata janë aty. Sidomos grupimi më i madh “Tifozat Kuq e Zi”.
Pas ndeshjes së djeshme Moldavi-Shqipëri, tifozët kanë paralajmëruar se Gjermania do të pikturohet me ngjyrat kuqezi dhe se ky ishte vetëm fillimi.
“Ëndërruam, sakrifikuam dhe në fund u kualifikuam. Më të bashkuar se çdo herë tjetër, “Tifozët Kuq e Zi po vijnë” për të pushtuar tokën gjermane, për të stolisur Euro 2024 me ngjyrat Kuq e Zi. Ne ia dolëm, por ky është vetëm fillimi”, shkruhet në postimin e tyre.
