Kandidati demokrat për Lezhën, Mark Marku ka folur për mediat pas takimit me kreun e PD duke thënë se do të jetë një luftë totale derisa Rama të largohet nga pushteti. Marku deklaroi se aty ku nuk ka zgjedhje të lira, qytetarëve u lind e drejta që të marrin çdo vendim sepse pushteti nuk është legjitim. Ai gjithashtu bëri em dije se kreu i PD, Lulzim Basha ka thënë se nuk do t’i njohë zgjedhjet. Më tej Marku i quajti shërbëtorë të Ramës të gjithë ata që kanë kërkuar dorëheqjen e Bashës dhe se me apo pa dashje janë duke i shërbyer kryeministrit.
“Do të jetë një luftë totale. Do të jetë një luftë derisa Rama të largohet nga pushteti. Unë e kam thënë edhe më herët, duhet përdorur çdo gjë e mundshme për të mposhtur një regjim. Aty ku nuk ka zgjedhje të lira, u lind e drejta qytetarëve që të marrin çdo vendim sepse pushteti është ilegjitim. Kryetari e ka deklaruar se nuk do të njohë zgjedhjet e 25 prillit. Ata që kërkojnë dorëheqjen e Bashës janë shërbëtorë të Ramës. Me dashje pa dashje i shërbejnë atij. Nuk ka rëndësi a janë pjesë apo jo, mund t’i shërbejnë Ramës edhe duke qenë në PD, edhe pa dashje,”- tha Marku.
