Italia u shpall mbrëmjen e së dielës Kampione e Europës mes emocioneve dhe spektaklit, ndërsa trofeu shkoi aty ku të çojnë të gjitha rrugët: në Romë. Kapiteni Giorgio Chiellini ia kushtoi triumfin Presidentit Sergio Mattarella, miliona italianëve në botë dhe ish-mbrojtësit Davide Astori, i cili vdiq në gjumë para ndeshjes së Fiorentinës kundër Udineses.
36-vjeçari foli në Quirinale në prani të Mattarella, Presidentit të Republikës.
“I dashur President, më lejoni të ju falënderoj në emër të vetes dhe ekipit. Prania juaj ishte një gjest i rëndësishëm. Ne donim t’ia kushtonim fitoren juve dhe miliona italianëve në botë që kurrë nuk na kanë bërë të ndihemi vetëm, duke na shoqëruar në udhëtim”, tha Chiellini në Quirinale.
Giorgio e kujtoi Astorin duke i dedikuar triumfin dhe duke thënë se ai do të mbetet gjithmonë i pranishëm në zemra e mednime. Ai përgëzoi grupin, për të cilin tha se kanë mbështetur njëri-tjetrin.
Ne i kushtojmë fitoren Davide Astorit, do të donim ta kishim këtu me ne, ai është gjithmonë i pranishëm në mendimet dhe zemrat e atyre që e takuan. Ky është një grup që nuk e ka humbur kurrë kurajon, madje edhe në vështirësi, duke mbështetur njëri-tjetrin dhe duke vendosur interesin e ekipit para individit.
Nëse jemi këtu sot, nuk është vetëm për një penallti shtesë të shënuar, por sepse u transformuam duke ndarë miqësinë tonë, një nga ndjenjat më të bukura në jetë.
Mbrojtësi i Juves nu ki kurseu elozhet as për tenistin Matteo Berrettini, i cili u bë i pari Italian që arriti në finalen e Wimbledon.
“Matteo, në javët e fundit tin a bëre të ëndërrojmë. Kemi brohoritur për ty si të të kishim shokë skuadre. Mos u ndal! Kjo lidhje na bëri të ndihemi si vëllezërit e Italisë, gati sa herë na thërret vendi që duam”, tha kapiteni italian.
