Deputeti i zgjedhur i Partisë Demokratike, Enkelejd Alibeaj ka reaguar në lidhje me situatën e djegies së mbeturinave në qytetin e Fierit. Alibeaj shkruan se kjo është një katastrofë mjedisore autorët e së cilës Partia Demokratike, i ka denoncuar në SPAK sipas tij.
Alibeaj thotë se kjo katastrofë mjedisore ka emra. “Kjo katastrofë mjedisore ka emra dhe mbiemra, Partia Demokratike i ka denoncuar ata në SPAK, gënjeshtrat e tyre për të mbuluar korrupsionin miliona eurosh janë publike. Është koha që drejtësia të veprojë, sepse çdo vonesë është një dëm katastrofik për shëndetin e qytetarëve, për ambientin dhe për ekonominë”, shkruan Alibeaj.
Gjithashtu ai më tej i ka kërkuar drejtësisë të veprojë para se të jetë vonë, pasi është një dëm katastrofik për shëndetin e qytetarëve, për ambientin dhe për ekonominë e këtij qyteti.
Postimi i plotë i Enkeljd Alibeaj
Ndërsa mafia e inceneratorëve shkrumbon vetëm paratë e taksave të shqiptarëve, plehrat digjen në qiell të hapur duke dëmtuar rëndë shëndetin e qytetarëve të Fierit! Kjo katastrofë mjedisore ka emra dhe mbiemra, Partia Demokratike i ka denoncuar ata në SPAK, gënjeshtrat e tyre për të mbuluar korrupsionin miliona eurosh janë publike. Është koha që drejtësia të veprojë, sepse çdo vonesë është është një dëm katastrofik për shëndetin e qytetarëve, për ambjentin dhe për ekonominë.
