Në 111-vjetorin e lindjes së Nënë Terezës, nuk kanë munguar dhe urime të shumta në rrjete të ndryshme sociale nga figura të njohura të politikës duke shprehur urime dhe ndarë momente.
Në lidhje me këtë datë të shënuar ka ardhur dhe një reagim nga kryeministri i vendit tonë Edi Rama.
Rama ka reaguar me një postim në rrjetin e tij social në Facebook ku ka publikuar një foto të Nënë Terezës ku ndërkohë shprehet duke thënë se uron një ditë të paqtë siç ishte vetë ajo.
Postimi i plotë i kryeministrit Edi Rama:
“Mirëmëngjes dhe me këtë foto të Nënë Terezës së shenjtë në ditën e lindjes së saj, ju uroj një ditë të paqtë si vetë ajo”, shkruan Rama.
Kujtojmë se Anjezë Gonxhe Bojaxhiu e njohur si Nënë Tereza ka lindur më 26 gusht të 1910 në Shkup. Një figurë e diskutuar gjatë jetës dhe vdekjes së saj. Nënë Tereza u admirua gjerësisht nga shumë njerëz për veprat e saj bamirëse. Ajo u vlerësua dhe u kritikua për akuza të ndryshme, të tilla si për pikëpamjet e saj për abortin dhe kontracepsionin. Ajo gjithashtu ka marrë kritika për kushtet në shtëpitë që ajo ofronte për ata që ishin buzë vdekjes. Biografia e saj e autorizuar u shkrua nga Navin Chaëla dhe u botua në 1992, ajo ka qenë subjekt i filmave dhe librave të tjerë.
