Dita e sotme do të mbahet mend për një kohë shumë të gjatë nga “Djajtë e kuq” të Ole Gunnar Solskjær.
Kjo pasi pak minuta më parë është mbyllur takimi mes Manchester United dhe Tottenham Hotspur, ku miqtë kanë marrë një fitore të madhe në shtëpinë e vendasve 1-6.
Në fillim u duke se United ishte ekipi favorit, kur shënoi që në minutën e dytë të sfidës, me anë të Bruno Fernandes me penallti. Por vetëm dy minuta më vonë, mesfushori i Tottenham Ndombele, barazoi dhe që nga ai moment, United nuk e mblodhi dot veten përsëri.
Son shënoi për të çuar shifrat në 1-2, para se Kane dhe sërish Son të vendosnin rezultatin e pjesës së parë në 1-4. Aurier dhe Kane shënuan në pjesën e dytë dhe rezultati final i sfidës, u vulos në 1-6.
Londinezët tregojnë se do të jenë një ekip i rrezikshëm për këtë sezon, ndërsa United duhet të marrë shpejt veten nga trauma e pësuar sot në shtëpinë e tij “Old Trafford”.Solskjaer me shumë gjasa do të shkarkohet, ndërsa Mourinho do të jetë për shumë ditë në qendër të vëmendjes së mediave.
