Kryeministri Edi Rama ka reaguar ditën e sotme me një postim në rrjetin e tij social ‘Facebook’ ku jep një mesazh në Ditën Ndërkombëtare të Paqes, duke u shprehur se “kjo ditë na rikujton se ka më shumë gjëra që na bashkojnë sesa ato që mund të na ndajnë”.
Rama shkruan në ‘Facebook’ se Shqipëria ka kontribuar dhe do të vazhdojë të japë kontributin e saj në misione paqeruajtëse anembanë globit, në rritjen e bashkëpunimit, sigurisë e tolerancës.
Mesazhi i Ramës:
Dita Ndërkombëtare e Paqes🕊
Si një vend anëtar në NATO, Shqipëria ka kontribuar dhe do të vazhdojë të japë kontributin e saj në misione paqeruajtëse anembanë globit, në rritjen e bashkëpunimit, sigurisë e tolerancës🌍
Kjo ditë na rikujton se ka më shumë gjëra që na bashkojnë sesa ato që mund të na ndajnë.
#KrenarpërShqipërinë🇦🇱
Kujtojmë këtu që 21 shtatori shënon Ditën Ndërkombëtare të Paqes. Kjo datë është një ngjarje e posaçme dhe këtë herë shënon 67-vjetorin e Kambanës së Paqes e cila çdo vit bie në këtë datë. Ishte viti 1954 kur kjo kambanë e farkuar nga monedhat e mbledhura nga fëmijët e 60 shteteve i’u dhurua Kombeve të Bashkuara nga Shoqata e OKB-së së Japonisë. Në vende të ndryshme të botës kjo ditë shënohet me aktivitete të shumta, ku organizohen evente me tema te ndryshme individuale.
