Presidenti i vendit tonë, Bajram Begaj ka përkujtuar sot Ditën Ndërkombëtare të Holokaustit, ditë që e sheh si reflektim për miliona hebrenjtë që u zhdukën nga nazistët.
Përmes rrjeteve sociale, Begaj ka shkruar se ndihet krenarë për të gjithë shqiptarët që në atë kohë strehuan dhe mbrojtën hebrenjtë që erdhën në vendin tonë.
Ndër të tjera, Begaj përcolli mesazhin për të kundërshtuar diskrimiminim dhe padrejtësinë ndaj njerëzimit.
“Në Ditën e Përkujtimit të Holokaustit, ne reflektojmë mbi miliona njerëz që u persekutuan dhe u zhdukën në një prej periudhave më të errëta të njerëzimit.
Krenar për vlerat e popullit shqiptar, i cili kurrë nuk bëri kompromis as edhe me jetën e tij në mbrojtjen e kauzës së humanizmit.
Le të na shërbejnë historitë e tyre që të kundërshtojmë me vendosmëri urrejtjen, diskriminimin dhe çdo padrejtësi tjetër në dëm të njerëzimit”, ka shkruar presidenti.
