Dy vite më parë festa e Verës do të kishte tjetër atmosferë. Tashmë pandemia e Covid-19 e bën të pamundur që festa me qendër në Elbasan të zhvillohet si dikur.
Aktivitetet e shumta si koncertet, lojëra popullore e panairet e shumtë që mblidhnin turistë nga të gjitha trojet shqiptare, këtë vit ia kanë lënë vendin vetëm shtëpizave me suvenire simbol të Ditës së Verës që Bashkia e Elbasanit ka ngritur në qendër të qytetit.
Për shkak të pandemisë në këtë qytet nuk do të zhvillohen aktivitet e planifikuara. Bashkia e Elbasanit ka zbukuruar qytetin e Elbasanit për të krijuar një atmosferë sa më festive.
Pasojat e pandemisë, sipas shitësve në tezgat e ngritura posaçërisht për këtë ditë reflektohen në turistët e paktë që kanë ardhur, por edhe në shitjet e r.
Veç problemeve në sektorë të shumtë të ekonomisë, kësaj rradhe “Ditëa e Verës” shoqërohet me rekorde infektimesh dhe vdekjesh, jo vetëm tek qytetartët por dhe stafet mjekësore.
Nëse një vit më parë shpresohej se shumë shpejt do të ktheheshim në normalitet dhe se do të përparonim në luftën me virusin, sot shohim se e gjithë bota është shumë larg fitores.
Aktualisht në Shqipëri jemi në një valë të tretë infektimesh. Vetëm në shkurt u shënua bilanci më i zi me mbi 300 vdekje për 28 ditë, dhe vetëm java e parë marsit shënoi 141 viktima.
