Ukraina po kalon ditën e pestë të luftës me Rusinë, duke u përpjekur për të mbrojtur veten.
Viktimë ta luftës janë qindra mijëra persona nga të dyja palët.
Mëngjesi i pestë në luftë Ukrainën e gjen me sirenat, që bien gjithandej dhe gjendjen e jashtëzakonshme.
Gjatë natës u raportuan disa shpërthime në kryeqytetin Kiev dhe në qytetet tjera përreth. Ushtria ukrainase tha se trupat e saj arritën të zmbrapsin disa sulme të ushtarëve rusë, që përpiqeshin të sulmonin periferitë e Kievit.
Sot do të zhvillohen negociatat vendimtare për kufirin e Bjellorusisë mes diplomatëve rusë dhe ukrainas. Zelenskyy ra dakord që takimi të zhvillohej pa kushte në kufirin Ukrainas-Bjellorusi në rajonin Pripyat, në një rezidencë shtetorëre. Vetë Zelenskyy nuk do të jetë i pranishëm. Sipas Ministrisë së Brendshme në Ukrainë janë vrarë në total 352 persona, mes tyre 14 fëmijë, sipas ministrisë. 1684 persona të tjerë, përfshirë 116 fëmijë, janë plagosur.
Ndonëse takimi është paralajmëruar për mëngjesin e sotëm, ende nuk ka asnjë informacion në lidhje me të. Ndërkohë, në një deklaratë në orët e para të këtij mëngjesi, Presidenti Zelensky ka deklaruar se “Ukrainën e presin 24 orë kritike”, pasi sipas tij, luftimet vazhdojnë në të gjithë vendin.
Nga ana e tyre, SHBA, BE dhe shumë vende të tjera kanë ndërmarrë sanksione të ashpra ndaj Rusisë, duke bllokuar hapësirën ajrore, duke ngrirë asetet e Putinit, Lavrov e krerëve të tjerë të Moskës, si dhe duke dërguar në Ukrainë ndihma të shumta ushtarake.
