Deputeti i Lëvizjes Vetëvendosje, Dimal Basha, është zgjedhur kryetar i Kuvendit të Kosovës, duke i hapur rrugë konstituimit të legjislaturës së re dhe formimit të Qeverisë.
Në votimin e mbajtur, 73 deputetë votuan pro, 30 kundër dhe 3 abstenuan. Përveç deputetëve të VV-së, Bashën e mbështetën edhe disa nga përfaqësuesit e Partisë Demokratike të Kosovës (PDK).
Ky zhvillim shënon fundin e ngërçit politik që kishte paralizuar vendin që prej prillit, kur Kuvendi nuk kishte arritur të zgjedhte drejtuesin e tij. Në seancën e mëparshme, asnjëri prej tre kandidatëve të propozuar nga LVV nuk kishte siguruar votat e nevojshme.
Zgjedhja e Dimal Bashës kryetar të Kuvendit më 26 gusht i jep fund bllokadës politike që vijonte prej zgjedhjeve të 9 shkurtit, duke hapur rrugën për funksionimin normal të institucioneve.
