Qytetarë të shumtë i janë bashkuar protestës ditën e sotme të thirrur nga lideri historik i PD Sali Berisha. Teksa një ndër motot e protestës ka qenë shpopullimi i Shqipërisë, 3 emigrantë shqiptarë nga Amerika me pankarta në duar i janë bashkuarprotestës. Ndërkohë, në shesh janë mbledhur shumë qytetarë nga i gjithë vendi, që i janë bashkuar tubimit kundër kryeministrit Edi Rama dhe qeverisë së tij.
“Iku koha e rrufjanëve”, kjo është një nga parullat ndryshe në protestën e sotme, të thirrur nga Sali Berisha. Kjo parullë ironizon ish-kreun e Partisë Demokratike, Lulzim Basha dhe kryeministrin Edi Rama.
Ndërkohë në një tjetër slogan shkruhet: “Duam të jetojmë në Shqipëri”.
Shumë qytetarë janë mbledhur sot para kryeministrisë, duke protestuar kundër qeverisë.
Sali Berisha i është bashkuar qytetarëve, ndërsa shihet se e pranishme është edhe kryetarja e LSI-së, Monika Kryemadhi e shoqëruar edh enga nënkryetari i LSI, Petrit Vasili.
Protestës së opozitës, të thirrur nga kryedemokrati Sali Berisha, i janë bashkuar edhe deputetë kritikë ndaj Berishës.
Mes turmës së protestuesve përballë kryeministrisë janë edhe deputetët Grida Duma, Dashnor Sula, Dhurata Çupi. Deputët e mësipërm janë treguar kritikë ndaj Berishës, por sot ata kanë dalë në shesh për të protestuar kundër Edi Ramës dhe qeverisë së tij.
