Shqiptarë të diasporës do të protestojnë sërish sot para godinës së Kryeministrisë siç paralajmëruan edhe dje.
Tubimi mësohet se do të nisë rreth orës 12:00.
Protestës së emigrantëve shqiptarë, të zhvilluar ditën e djeshme iu bashkuan edhe një grup studentësh si dhe banorët e zonës së Unazës së Re. Këta të fundit kundërshtojnë shembjen e banesave të tyre.
Pavarësisht se Drejtoria e Policisë së Tiranës nuk i dha leje emigrantëve për protestën, ata përcollën mesazhe kundër krimit, korrupsionit dhe varfërisë në vend.
Një prej kërkesave të diasporës është edhe vota e tyre në zgjedhje.
