ITALI- Dy vëllezër shqiptarë, 27 dhe 33 vjeç janë arrestuar nga policia italiane.
Ata kanë dhunuar një 32-vjeçar në zonën e Reggio Emilia dhe më pas janë larguar nga vendngjarja.
Dy shqiptarët e kanë pritur 32-vjeçarin të dilte nga clubi, ku ishte duke festuar dhe e sulmuan rëndë atë me shkelma dhe grushta.
Ky rast dhune është raportuar në polici nga disa kalimtarë.
32-vjeçari është dërguar në spital, duke qenë se kishte fraktura në kockat e hundës dhe disa shenja në trup.
Sipas mjekëve, të riut të dhunuar do t’i duhen edhe 25 ditë të shërohet nga dëmtimet që ka marrë.
Nuk dihen ende motivet e ngjarjes, por vëllezërit janë shoqëruar në rajon nga karabinierët.
Ndërkohë, identitetet e tyre nuk janë bërë me dije ende.
