Gjykata ka vendosur masën “arrest shtëpie” për Artjola Sallahun, 21-vjeçaren nga Has, motra e 34-vjeçarit Rushit Sallahu, i cili u vra një ditë më parë në një konflikt të armatosur.
Ngjarja ndodhi në fshatin Pla dhe dyshohet se burimi i konfliktit mes familjeve Sallahu dhe Jaku ishte një mosmarrëveshje e hershme për pronësinë.
Sipas informacioneve, familja e autorit të dyshuar, Ylber Jaku, kishte bërë mbi 20 kallëzime ndër vite për konfliktin me familjen Sallahu, por institucionet nuk kishin ndërhyrë për ta zgjidhur.
Mësohet se ditë më parë, Artjola Sallahu ka ushtruar dhunë fizike ndaj dy prindërve të Ylber Jakut, duke i shkaktuar lëndime të rënda. Të moshuarit përfunduan në Spitalin e Traumës, ku nëna e autorit pësoi thyerje në legen.
Vetëm pak orë pas kësaj ngjarjeje, Ylber Jaku, 41 vjeç, pas vizitës në spital, ka qëlluar për vdekje vëllanë e vajzës që dhunoi prindërit e tij, duke e kthyer konfliktin e gjatë në një tragjedi të plotë.
