Një 43-vjeçar nga Mirdita është arrestuar ditën e sotme pasi ka dhunuar e kërcënuar me armë zjarri babain e tij.
Policia bën me dije se babai i të arrestuarit është 78 vjeç. Mësohet se 43-vjeçari është arrestuar në flagrancë.
Policia ka sekuestruar 1 armë zjarri “pistoletë” me krehër me 5 fishekë, 1 armë zjarri automatike model 56 me 2 krehra me 30 fishekë, 15 fishekë luftarakë model 56.
Mbi 43-vjeçarin rëndojnë veprat penale: “Dhuna në familje”, “Kanosja”, “Mbajtja pa leje e armëve luftarake dhe municionit.’’
Njoftimi plotë i policisë:
Ushtron dhunë fizike e psikologjike ndaj babait të tij duke e kanosur me armë zjarri, arrestohet në flagrancë nga Policia Gjatë kontrollit, i sekuestrohen armë dhe municione.
Specialistët për hetimin e krimeve në Komisariatin e Policisë Mirditë, arrestuan në flagrancë shtetasin A. N.( T.), 43 vjeç, banues në fshatin Fang, Mirditë. Ky shtetas, ka ushtruar dhunë fizike e psikologjike ndaj babait të tij 78 – vjeçar, si dhe e ka kanosur me armë zjarri. Gjatë kontrollit të ushtruar në banesën e këtij shtetasi, u gjetën dhe u sekuestruan në cilësinë e provës materiale: – 1 armë zjarri “pistoletë” me krehër me 5 fishekë – 1 armë zjarri automatike model 56 me 2 krehra me 30 fishekë. – 15 fishekë luftarakë model 56 Materialet procedurale në ngarkim të tij, iu referuan Prokurorisë pranë Gjykatës Shkallës Parë Lezhë, për veprat penale: “Dhuna në familje”, “Kanosja”, “Mbajtja pa leje e armëve luftarake dhe municionit.’’
